ТУУГИЙ

Хүний амьдарч буй нийгэмд мэддэггүйгээ мэддэггүй хүмүүс хамгийн аюултай гэж үздэг.

 Тэдгээр хүмүүсийн тоонд ЭМЯ-ны сайд С. Ламбаа, дэд сайд Ж. Цолмон нар орж байгаа юм. Учир нь эдгээр этгээдүүд дэлхий нийтээр тархаад байгаа H1N1 вирус болох гахайн ханиадны талаар "зүгээр л ханиад, сүржигнээд байх зүйлгүй, тусцан байхад гэмгүй" гэх мэт худал, мэргэжлийн хувьд асар хариуцлаггүй мэдэгдэл хэдхэн хоногийн өмнө хийж байсан. Одоогийн байдлаар 4 хүний амь нас хохирч, 374 хүн халдвар аваад байгаа энэ ноцтой халдварт өвчний талаар цагаа олоогүй тэр тусмаа эрүүл мэндийн салбарыг удирдаж байгаа хүмүүсийн хувьд байж боломгүй хариуцлаггүй мэдэгдэл хийснийхээ төлөө хариуцлага хүлээдэггүй юмаа гэхэд нийт иргэддээ залруулга хийх ёстой гэж бодож байна. Ард иргэдээ урьдчилан сэргийлж, сонор сэрэмжтэй байхыг анхууралахын оронд ийм хариуцлаггүй мэдэгдэл хийсэн нь энэ халдварт өвчнийг цаашид тархах процессыг түргэтгэсэн байж болох магадлалтай.

 Зарим нэг блогчдын санаачлагаар маск тараах ажлыг хийсэн хүмүүсдээ талархаж байна. Мөн мэргэжлийн дагуу Мэдикал маань блогтоо урьдчилан сэргийлэх талаар хэрэгтэй мэдээлэл оруулсан байгаа.

 Арав гаран сая хүн амтай Чех улсад энэ өвчнөөр анхны хүн өчигдөр нас бархад тухайн эмнэлэгт онцгой байдал тогтоож, даруй зохих арга хэмжээнүүдийг авч байна. Өвчний эсрэг вакцинжуулах ажил аль эртнээс явагдаж байгаагаас гадна өвчин туссан үед хэрэглэх антибиотикыг нөөцөлсөн байна.

 Гэтэл манайд эрүүл мэндийн дэд сайд нь наад чинь зүгээрээ ухааны юм хуцаад сууж байдаг. Ажлаа мэдэхгүй бол ядаж дэлхий дахины мэдээ үзээч, чадахгүй бол чаддаг хүнд нь ажлаа өгөөч гэж хэлмээр байна.

За тэр баларсан хүмүүс яахав, H1N1 virus - н талаар блогтоо товчхон хэрэгтэй мэдээлэл оруулъя гэж бодлоо.

Гахайн ханиадны шинж тэмдэг:

халуурах,  ядрах, хоолонд дургүй болох, ханиалгах, хамар шархирч нус гоожих, хоолой өвдөх, бие тавгүйрхэх, бөөлжих, суулгах, хүндэрвэл уушги хатгах, амьсгалын горим алдагдах

Эмчийн зайлшгүй тусламж авах хүүхдэд илрэх шинж тэмдэг:

Түргэссэн, хүндрэлтэй амьсгалах,

Арьс хөхрөх,

Халуурах үед арьсан дээр жижиг толбо гарах

Насанд хүрсэн хүнд илрэх шинж:

Түргэссэн, хүндрэлтэй амьсгалах, гэдэс болон цээжин хэсэгт хөндүүрлэх, толгой эргэх, бөөлжих,

Вирус нь хүнээс хүнд найтаах, ханиалгахад хамгийн их халдах магадлалтай. Түүнээс гадна вирустэй биетэд хүрсэн гараар дамжин ам хамарт халдварлан өвчлөх боломжтой.

Гахайн махнаас халдахгүй бөгөөд 65°C-с дээш темпартурт устана. Вирус нь биеэс гадуур хоёр болон түүнээс дээш цаг амьдрах боломжтой.

Хамгаалах:

Хамгийн чухал арга бол гараа бүлээн усаар савандаж 15-20 секунд угаах

Сайн унтаж амрах, хөдөлгөөн хийх, стрэссэнд орохгүй байх, их хэмжээний шингэн уух, вирустэй байж болох газруудад хүрэхгүй байх, 

Ханиаж найтаахдаа хамар амаа салфэткээр таглах, хэрэглэсэн салфэткээ хогийн саванд хаях!, ханиаж найтаавал гараа угаалгүй нүд болон ам хамартаа хүрэхгүй байх

Диагноз:

Хамгийн их халдвартай байх өвдсөнөөс хойших 4-5 хоногт амьсгалын замаас шинжилгээ авах

Эмчлэх:

TAMIFLU, RELENZA нэртэй вирусийн эсрэг эмүүд нь бие дэх вирусийн тархалтыг зогсоож, хүндрэхээс хамгаална. Гэхдээ урьдчилан сэргийлж эдгээр эмийг ууж болохгүй гэдгийг анхааруулж байна. Зөвхөн эмчийн заавраар хэрэглэнэ.

Нэг иймэрхүү эм байгаа зургийг нь хараад аваарай.

Тамифлу энд 1000 орчим Kрон буюу Монгол төгрөгт шилжүүлбэл 80000 төг-р зарагдаж байна.

  Залуучууд минь тэр Ламбаагийн Цолмонгийн бэлэг дэмбэрэлтэй үгэнд итгэлгүй ариун цэврээ сайн сахиж, ажил амралтаа зохицуулаарай.