Монголд удахгүй хуучин оноо үдэж оны шилдгүүдээ шалгаруулж эхэлнэ.
Шилдгүүдээ шалгаруулж дуусаад шилдэгийн шилдгүүдээ гаргаж ирнэ.
Оны шилдэг ажилчин, санхүүч, менежер, дарга, цэвэрлэгч, манаач гээл явна шүүдээ.
Аль эрт коммунизмтэйгээ дуусах байсан энэ шагнал, цол хэргэм, одон медалийн даллага одоо байх хэрэгтэй ч юмуу мэдэхгүй юм.
Худалч хүнд 2 цэвэрлэгчтэй байгууллага байхад нэгийг нь шилдэг цэвэрлэгчээр тодорхойлж байх жишээтэй. Хэхэ
Багаар ажиллаж үр дүнд хүрч байгаа өнөөгийн нийгэмд нэгийгээ нэгнээс нь дөвийлгөж, нүдэн дээр нь ялган шагнаж шилдэг гэдэг цол өгөх нь хамт олонд эерэгээр нөлөөлөх үү, сөргөөр нөлөөлөх үү?
Багийн нэг гишүүнд шилдэг гэсэн цол өгснөөр тэр багийн ажлын үр дүн сайжрахуу?
Миний бодлоор бол харин ч шилдэгээс бусад нь урам хугарах, атаархах, гомдох, ил далд шилдэг болсон нэгнээ муу хэлэх сөрөг үр дагавартай байж болох.
Мэдээж нэг албан газар, баг хамт олон дотор сайн муу ажилчид байлгүй яахав. Тэдний хөдөлмөрийн яаж зөв үнэлэх вэ гэсэн асуулт гарч ирнэ.
Барууны жишгээр хархад сайн ажилчдаа мөнгөн урамшууллаар шагнадаг. Шагнахдаа овог нэрээр нь дуудаж олны өмнө сүр дуулиан болохгүй л дээ. Зүгээр дарга нь нэг бүрчлэн уулзаж хийсэн ажлыг нь дүгнэж, хэрвээ сайн ажилласан бол шагналд тодорхойлж байгаагаа мэдэгддэг. Та хэдэн төгрөгний ямар шагнал авсаныг хамт ажилдаг хүмүүс тань мэдэхгүй. Ташрамд хэлэхэд Монголчууд хүний цалингийн хэмжээг асуудаг бүдүүлэг зангаа хаясан байх гэж найдаж байна.
Энэ ШИЛДЭГ гэдэг хэрэггүй, зарим үед сөрөг үр дагавартай зүйлийг Монголчууд маань бүр багаас нь туйлшруулаад явчихсан байх юм. Дунд сургуульд шилдэг сурагч/Цэцэрлэгийн шилдэг гэж сонсоогүй юм байна/ одон медаль, дээд сургуульд ороод оны шилдэг оюутан болно. Намайг оюутан байхад л сургуулийн шилдэг оюутан шалгаруулах гээд бөөн л хэл ам болж байсан. Нөгөөх хүүхдээ сургуулийн ёлкоор тайзан дээр дуудаж гаргаад ганц шампанск өгч байсан санагдана. Оронд нь сурлагын стипэнд өгчихсөн бол арай л хэрэгтэй юмдаа.
Тэгээд энэ трэнд нь ажилд гараад ч үргэлжлээд явчихна.
Монголд байгаа нэг найздаа “Сайн ажилласан гээд шагнууллаа” гэсэн чинь “Юугаар” гэж асууж байна. “Юугаар шагнах вэ дээ мөнгө л өглөө” гэж хэлчхээд дараа нь бодож байхад нээрээ ч Монголд хэрэгтэй хэрэггүй шагнал, цол хэргэм арай утга учраа алдаж байгаан бишүү гэж санагдлаа.
Залуус дотроо нэгийг бодож тунгаана бизээ.
Сэтгэгдэлүүд:
sainuu ah meeeen oird taaraldsangui
Ер нь бол үнэн шүү өгмөөр байвал мөнгийг нь өгчих л хэрэгтэй шүү дээ. Солонгост ч гэсэн баярын үеэр бонус болгож мөнгө өгдөг тэр нь дээр
Монголд оны шилдэг, салбарын шилдэг, шилдэгийн шилдэг гээл байдаг, тэдүүст мөнгө өгдөггүй гэж үүүүү? би лав мөнгө л авчээсийштээ жоохон байхдаа хэхэ
харин тэхх санал нийлжийнэ. тэр баг хамт олныг дотор нь хагалдаг гэдэг яааг үнэн. юун багаар ажиллах нэг нь нөгөөгөөсөө дээр гарах гээл хоорондоо өрсөлдөөл кк шал балай, хүний цалин асуудаг дэнэг гарууд зөндөө шдэ шал хэрэгт дуртай духнууд гэсс хихихи
Шилдэг архичин арай ч эвгүй юмуу.
Луза балайраад байгаарай, хэхэ
болорка - ок
Оюуна - тэр арай л юм болжээ..
хохо - Дашрамд гээд бичсэн чинь банжиг Ташрамд гэж засаад байна лээ.
Монголчууд л атаархуу гээд байдаг, хаана ч тэгж ялгавал адилхан л зан гаргана доо.
Монголчууд өөдлөж мандаж явахдаа цол гуншинд дургүй байсан бололтой. Зүгээр л ямар ч чимэг гуншингүй Чингис хаан гээд л болоо.
Тэгвэл хамгийн сүүлийн хаан маань тэр их гүрнээс Халхын хантгайг л авч үлдсэн мөртлөө Наран гэрэлт, түмэн наст, амьтныг жаргуулагч, Богд эзэн... гээд цаашаагаа юу юу ч билээ айхтар цол гуншинтай байж.
Гэхдээ бас гайгүй. Тэр үед Богд хаан л урт цол гуншинтай байсан бол одоо бараг хүн болгон айхтар урт цолгуншинтай болоод байх шиг.
Баянмөнх аваргын алдар гавьяаг цоллохоороо Монгол улсын хөдөлмөрийн баатар, гавьят тамирчин, олон улсын хэмжээний мастер, дархан аварга Хорлоогийн Баянмөнх гэж ирээд л бараг хагас цаг уншина.
Уг нь дайн байлдаанд оролцоогүй цэргийн бус хүмүүст социализмын үеийн ийм урт цол гуншин дэмий санагдах юм. Хөдөлмөр хийгээд амжилтанд хүрсэн хүн цол гуншинтай, гуншингүй хөдөлмөрийнхөө үр шимээр амьдрал ахуйгаа өөд нь татаад сайхан л явна шүү дээ.
ийн - шагнал урамшуулалыг үгүйсгэйгүйг анзаарнуу.
одоо морь бөх хоёрын цол бол бас л нилээн урт хамаг сүр хүчит ан амьтан юүл бдын тэрүүгээр нэрэлсэн бдг билүү хэхэ
оны шилдэгүүд ч хүн амын тоноос давлаа дөө
Аливаа зүйлийг утгыг нь алдуулж туйлшруулахдаа мундаг улсууд даа.
Оюуна - аль аль нь бичлэгтэй холбоотой сэтгэгдэл байнаа.
Аливаа юмыг ингэж туйлшруулдагаа болиосой л гэж бодхын.
Сэтгэгдэл үлдээх: