ТУУГИЙ

Энийг бичье гээд бодоод яваад байсын, өнөөдөр бичиж санаагаа амраая.

Хөөш, Хүүе гэдэг бүдүүлэг үгнүүдийг хөгшин залуу, боловсролтой боловсролгүй хэрэглэх юм.

 Зүгээр л хүн дуудахдаа хөөш...  Дургүй нь хүрээд зодоон цохион хийх гээд дуудаж байгаа бол ойлгожийно. Тэрнээс зүгээр хүн дуудахдаа эдгээр үгийг хэрэглэдэг бол асар бүдүүлгээ харуулж байгаам шүү дээ.

 Хоолны газар гаднаас нь хархад дажгүй залуучууд "Хөөш үйлчлэгчээ" гээл дуудахын, дээрэлхээд ч байгаамуу загнаад ч байгаамуу, угын тийм ч юмуу мэдэхгүй. Уул нь гараараа дохиод ч юмуу аятайхан дуудчихаж болно доо. Зарим үйлчлэгч нар нь ч нөгөө "Илжиг модон хударгадаа" гээч болчихсон, аятайхан дуудхаар ирэхгүй хялайгаад зогсчихно. Заавал нөгөө зандарсан загнасан үгээ сонсох гээд. хэхэ

 Хошин шог нэртэй үзүүлбэрүүд нь/уул нь тайзан дээр/ бас адилхоон "хөөш, хүүе найзаа, Батаа Доржоо", жоохон ядмаг л юм даа.

 Онигоо ч юмуу үнэн ч юмуу Солонгост харалсан Монголыг барихдаа цагдаа нар нь Хөөш гээд хашгирдаг гэж байгаа. Монгол хүн бол эргэж хараад баригддаг гэсэн...

 Соёлтой нийгэмд хүн дуудах, юм асуух бол Эрхэм ээ, бүсгүй, уучлаарай, ноёнтоон гэх мэт үгнүүдийг хэрэглэдэг. Энд ерөөсөө долигонож, тал зассан юм байхгүй, ингээд л хэлээд хэрэглээд заншчихсан. 

 Монголчууд шууд хэрэглээд эхлэхэд мэдээж эвгүй аманд нь орж өгөхгүй хэцүү л дээ, гэхдээ хөөш, хүүе гэдэг үгнүүдийг хэрэглэхгүй заншчихвал зүгээр л байх. 

 За тэгээд энэ хүсэлтийг дэмжээд хэлж ярьж байгаагаа анхаараад явах шинэ үеийн залуус байгаа л байх, хэнхэг юм ярилаа гэж бодоод хуучнаараа үлдэх хүн ч байгаа байх.

Өнөөгийн нийгмийн өнгө зүсийг тодорхойлох залуус бид бусдадаа үлгэр дуурайлал болохоор байвал зүгээр юм шүү.

Өөрчлөлтийг өөрсдөөсөө л эхлэе залуусаа!