ТУУГИЙ

 Та бидний хийж байгаа бүхий л үйл ажиллагааны зөвхөн 20% нь бидний нийт орлогын 80%-г бүрдүүлдэг гэвэл та итгэхүү? Тиймээ яг энэ онолыг Вилфрэдо Парето гэдэг Италийн социологич, эдийн засагч 1897 онд гаргаж иржээ.

 Ихэнх хүмүүс 50%-н хөдөлмөр нь 50%-н  үр ашигт хүргэнэ гэж төсөөлдөг байж. Харин Паретын онолоор бол хүн өөрийн хийдэг үйл ажиллагаа болгондоо ижилхэн хүч, хөдөлмөр, цаг заваа зарцуулах хэрэггүй, зөвхөн тэр 80%-н ашгийг авчраад байгаа зүйлдээ л анхаарлаа хандуулах хэрэгтэй гэжээ. Үүнээс үндэслэн түүний онолыг хожим нь 80/20-н дүрэм гэж нэрлэх болжээ.

Энэ онолоо баталж, задаргаа хийхийн тулд олон сонирхолтой санаануудыг дэвшүүлсэн байдаг. Түүний нэг бол улс орны нийт баялгийн 80-с илүү хувь нь нийт хүн амын 20 хүрэхгүй хувьд ноогдож байдаг гэсэн санаа юм. Түүхэндээ үеийн үед ийм харьцаатай байсан бөгөөд тэдгээр 20%-г бүрдүүлэгч хэсгийг нийгмийн элитүүд гэж нэрлэжээ. Энэ байгалийн харьцааг эвдэж, бүх хүнд нийгмийн баялаг, хөрөнгийг ижил тэгшээр хуваах гэсэн Социалистуудын оролдлого бүтэлгүй болсныг та бид санаж байгаа бизээ.

  Чөлөөт ардчилсан нийгэмд хүн бүрд баяжих эрх, боломж нээлттэй байдаг боловч Паретын дүрмээр түүнд зөвхөн өнөөх л 20% хүрдэг байх нь.

 Бодит амьдрал дээр хархад тухайн салбарт бизнес эрхлэгчдийн цөөн хэсэг нь(80/20-н дүрэм) баяжиж үлдсэн нь дампуурдаг билээ. Нэг компаны хувьд ч мөн адил эхэлсэн проект, төслийн 80% нь 3-5 жилд дампуурч үлдсэн 20% нь тухайн компаны үйл ажиллагааг авч явдаг байх.

 Тэрээр бас эдийн засгийн хамгийн тохиромжтой байдлыг тодорхойлохыг хичээсэн бөгөөд, түүнд зөвхөн зах зээлийн өрсөлдөөнийг төгс болгосноор хүрнэ гэж хэлжээ. Бодит амьдрал дээр энэ нь юу гэсэн үг вэ гэхээр ямарч компани(субъект) бусдын ашгийг бууруулалгүйгээр өөрийн ашгийг нэмэгдүүлэх боломжгүй юм гэсэн үг болж байна.

 Эцэст нь миний бас нэг санал нийлж байгаа зүйл бол нийт үйлчлүүлэгч, хэрэглэгчдийн 20% нь тухайн компаны нийт орлогын 80%-г бүрдүүлдэг байх нь.

 Паретын дүрэм дээр тулгуурлаад эдийн засаг, бизнэсийн маш олон тодорхойлолт, санаанууд гарч ирсэн байна. Мэргэжлээс арай хазайсан учраас үүгээр өндөрлөе гэж бодлоо. 

Та бүхэн санаа оноогоо харамгүй хэлээрэй. Бүгдээрээ хэлэлцвэл буруугүй гэдэг байхаа.